Gach bliain, eagraíonn Cairde Rince Céilí na hÉireann cúrsaí lae do dhaoine atá ag iarraidh an Teastas i dTeagasc Rince Céilí a bhaint amach.
CLÚDAÍONN NA CÚRSAÍ:
- Na damhsaí as Ár Rincí Foirne agus conas iad a mhúineadh.
- Ceisteanna scríofa samplacha
- Trialacha ceoil
- Na céimeanna go léir agus conas iad a mhúineadh
- Cleachtadh múinteoireachta - céimeanna agus gluaiseachtaí
- Modhanna múinteoireachta
- Conas rang a phleanáil
- Conas rang a bhainistiú
- Ábhar i.e. bileog agus téip chun cabhair a thabhairt don iarrthóir ullmhú don scrúdú Gaeilge
AN SCRÚDÚ:
- Scrúdú scríofa ar na damhsaí atá foilsithe in Ár Rincí Foirne.
- Scrúdú ceoil - bíonn ar na hiarrthóirí an ceol do dhamhsaí ar nós Aoibhneas na Bealtaine, Turas chun an tí &rl. a aithint.
- Céimeanna a dhéanamh agus a mhúineadh
- Gluaiseachtaí a mhúineadh - damhsa gearr éasca agus píosa nó píosaí as damhsa níos deacra a mhúineadh.
- Gaeilge - bunaithe ar bheannachtaí simplí, ainmneacha na ndamhsaí agus téarmaí bunúsacha.
COSTAIS:
- Cosnaíonn na cúrsaí lae €15 (£12 stg.).
- Is é an táille scrúdaithe ná €50 (£40 stg.). Ní ghearrtar aon táille ar iarrthóirí atá ag dul faoi scrúdú don dara nó don tríú huair.
CONAS IARRATAS A DHÉANAMH:
- Bíonn fáilte roimh dhuine ar bith le roinnt eolais ar an rince céilí freastal ar na cúrsaí traenála. Caithfear áit a chur in áirithe leis an rúnaí náisiúnta roimhré. Foilsítear dátaí na gcúrsa ar www.ceilidancing.com, agus ar liosta na n-imeachtaí a scaiptear ar na clubanna go léir agus ag na céilithe.
- Caithfear freastal ar chúrsa traenála amháin ar a laghad roimh an scrúdú. Cuirtear foirmeacha iarratais don scrúdú chuig daoine a bhí ag freastal ar na cúrsaí.
Comhghairdeas lenár múinteoir nuacháilithe, Ciara O'Grady ó Loch Garman